Al Papa é rivó a Costauta fora dal bosco, du p le vare co i so omin de scorta. E' sozdù: dente era pi pras-fora, chi a restlà, chi a sié: erba auta, é picié strapazà! Un ch'avée pöna fnù da batfauze da d vöio a nasché che n dea e dis a la so rodlarösa: spia n tin cla su-va, spia che na sgozia c vögn du p le var-va, n vöd che figur-porch-tu, n sa miga-lör chi fa un disastro d l'erba!
Che na raza de dente!... Da gnóo gniraipo?!
E.. spia che sgozia-va!!
Intanto sta prozesion foresta gnee sempro pi in dù, se vizinée sempro da pì.
'Porco csì, vöi-cà, vöi-cà sti porche csì...(a pò ncamò) spia n tin che nasché bul-va, ne n à paura nanche dla fauze, spia che becs-va!
Intanto cal maledii, sta prozesion é riveda proprio par danti-su, un de sti Bule se destaca, vögn arente... (tua n tin masa...) e con tröi döide pr aria... na os grosa...
"SIA LODATO GESU' CRISTO!".
Cösto cardée da tma-du ilò, cardée da zavarié in pees! C l a fat gnì in sé e stada la rodlarösa cuön ch ' l 'à moló la forcia e a tiró un bagaro! ...lné al Papa! impianta la duto ch' iné l Papa, propio cöl da Roma, indoniöit-du e busa l'anel. Ooh, porco csi, é proprio li, li in parsona! D intorno, da parduto, dut un bagaramögnto:
Al Papa! Al Papa! é rivó al Papa du par Stamsöto!...
Dit e dal fato, duta la dente d Costauta ingrumeda intorno stó Papa, na prozesion d le nostre du dla gedia, un tin dinze n tin d fora, duc a sintì l Papa a prediché.
Robe d l'autro mondo, al Papa a Costauta!