Si consiglia una risoluzione video 800 x 600
Rosari
Si riportano tre rosari noti presso il popolo. Soprattutto il primo (Rusariu di San Giuseppi) è ancora assolutamente in uso e cantato in alcune occasioni religiose.
RUSARIU
DI SAN GIUSEPPI
San Giusippuzzu, fustivu
patri,
rosi e virgini comu la matri (fustivu
virgini comu la matri)
Maria rosa, Giuseppi è lu
gigghiu,
n'aviti a ddari riparu e
consigghiu (San
Giusippuzzu riparu e consigghiu)
Scura ora e aggiorna dumani,
la pruvvidenza nn'aviti a
mannari;
la pruvvidenza di la casa
mia,
l'aspettu di Gesu, Giuseppi e
Maria
[Quannu istivu in Egittu
pi' cunsulari stu cori
afflittu]
Ludamu l'eternu Quantu,
lu Patri, lu Figghiu e lu
Spiritu Santu
Sia lodatu e binidittu sia
lu nomu di Gèsu, Giuseppi e
Maria.
seguono
Padre Nostro e Ave Maria
[prima posta]
Stamu tutti avvertenti
cristiani
pi l'armicedda pinsamuci
beni,
Maria di razia vinni a
navittari
un vennari di marzu vulinteri.
Gesù Cristu naciu la notti
di Natali
na la ruttidda di bettalemmi,
ora chi cuminciamu a recitari
dicennu un Patri Nostru
accussì 'nsemi.
Padre Nostro...
Cantamuci lu rusariu a Maria.
10 Ave Maria.
[sicunna posta]
Chi fistinu chi purtaru li
tri re
quannu la nova pi lu munnu ia,
ianu circannu e lu truvaru
dunn'è
ora ch'è natu lu veru
Messia.
E nasciu Gesù Nazzarenu,
fu vattiatu doppu la befania,
Dicemuci lu Patri Nostru
accusì 'nsemi,
cantamuci lu rusariu a Maria.
Padre Nostro...
10 Ave Maria...
[terza posta]
Lu semu tradimenti o
steccatini
cu ranni duluri virii e
scurriati,
eu tremu a volu: lanci e
strascini,
luci, lanterni, trummetti e
surdati.
Quannu [Ornannu?]Gesù Cristu
fu juntu a li so fini
chi morsi 'ncruci pi li me
piccati
Dicemuci lu Patri Nostru
accussì 'nsemi
cantamuci lu rusariu a Maria.
Padre Nostro - 10 Ave Maria.
[quarta posta]
Trentatrì anni lu veru
Messia
ia circannu accussì
vulinteri,
la trumma avanti a li jùrici
ia
e lu lanzinu (?) chi la lanza
teni.
Biatu, chista morti la sapia,
quannu(?) arrivamu a
Gerusalemmi
pi lu stremu duluri chi
sintia
li chiova ribbaciati di li
peri.
Padre Nostro - 10 Ave Maria
[quinta posta]
Chi morti 'nculuri chi fici
Diu
ci ficiru patiri tanti peni,
Joviri e Santu a li sepulcri
iu
la matri santa circannu dunn'era.
A mezzanotti quannu riviniu
canta lu addu accussì
vulinteri,
Sabatu li celi sinni iu
pi dari a chistu munnu tanti
beni.
Ora ludamu a la matri di Diu
chidda chi tanti razii ni
cunceri.
Santu Vitu di Mazzara
cu lu razzu n'arripara;
e lu populu n'è divotu
chi ni scanza di tirrimotu;
(e lu populu fa la festa
chi ni scanza di la
tempesta;)
e lu mari è accussì granni
chi ni tagghia a tutti
quanti;
e ludamu a tutti l'uri,
Santu Vitu lu prutitturi.
O gran santu prutitturi,
vui priati a lu Signuri;
a nui ni pirdunassi,
di lu mali n'alluntanassi.
[10 volte]
