Si consiglia una risoluzione video 800 x 600
(non solo)
Preghiere
AL MATTINO
Signuri, vi
ringraziu
chi mi facistivu
agghiurnari:
accussì m'ata fari
scurari!
ALLA SERA [1]
Eu mi curcu na stu'
lettu
e Maria è na lu me'
pettu.
C'aiu cosa m'arrispigghiu,
m'arrispigghiu cu lu
so' mantu;
lu Patri, lu Figghiu
e lu Spiritu Santu.
ALLA SERA [2]
Eu mi curcu na stu'
lettu,
quattru santi
attrovu eu:
dui a li peri e dui
a capizzu;
'mmezzu c'esti Gèsu
Cristu
e mi dici
"dormi, arriposa,
nun pinsari nudda
cosa".
ALLA SERA [3]
Eu mi curcu na stu
lettu
cu l'ancilu na lu pettu,
cu l'ancilu 'ncantannu
e Gesuzzu 'mpriricannu
Dui a li peri, dui a
capizzu
mmezzu Gesu
Crucifissu,
eu mi curcu pi'
durmiri
nun lu sacciu se '
muriri
Eu du cosi ci
addumannu
l'arma mia ci arraccumannu:
la Marunnuzza me'
matri,
San Giusippuzzu me'
patri.
L'anciuleddi mi
vennu fratuzzi,
li Serafini mi vennu
cucini;
mentri ci avemu st'amuri
filici
facemu la cruci e
partemu a durmiri.
ALLA
SERA [4]
Na stu lettu mi
curcu eu
e quattru ancili ci
attrovu eu:
dui a li peri e dui
a capizzu,
mmezzu Gèsu
Crucifissu.
Mmezzu la casa la
cruci vattiata,
'ncapu li casi l'ancilu
chi trasi,
darrè la porta mia
c'è la Virgini
Maria.
Appuntiddu la porta
mia
cu lu puntiddu di
Santa Maria,
e di dintra pari
porta
e di fora pari
rocca.
E si vennu li me'
nimici,
nun ci attrovanu la
porta mia.
EU MI CHIURU LA PORTA MIA
Eu mi chiuru la
porta mia
cu lu mantu di Maria
e di dintra pari
porta
e di fora pari
rocca;
a cu voli mali a mia
'un ci avi a ddari nè
forza nè valìa,
ci attuppa l'occhi e
ci sgarra la via.
Santu Simuni, cu lu
vostru vastuni
tagghia li mani a li
mali pirsuni.
A LA MADONNA
O Madonna di li
rusariu
vui chi siti bedda
assai
comu salvi di Rigina
e di razii siti
china
A prisenti stu
rusariu
c'aiu dittu eu stasira
e si mancamentu ci
fussi
vui m'aviti a
pirdunari
E Maria rispusi e
dissi
lu rusariu nun lu
lassari
chi lu tempu chi
pirdisti
ti lu fazzu
annavanzari
Ti mannu eu l'angilu
accumpagnari
O tu angilu di Diu
tu chi sai lu cori
miu
accumpagnami
stanotti
scansaminni di mala
morti.
O Duminicu biatu
stu rusariu a vui fu
datu
di Maria la
virginedda
tutta pura tutta
bedda
Offiremulu a Maria
cu la nostra armonia
e vulemu a Diu pi
patri
e Maria pi nostra
matri
Stati 'nsemmula 'ncumpagnia
San Duminicu e Maria
e Maria è supra un
(in?) cruciuri
l'affidemu a lu
nostru amuri
Nun su comu miritati
cu la vostra
maestati
su li cosi sculuruti
lu me cori ha
riciuruti
Comu 'nterra amamu a
vui
comu 'ncelu purtati
a nui
e decimila voti
ringraziamu
lu santissimu e
divinissimu Saramentu
e tri voti sia
ludatu
viva Diu saramintatu
Avvucata siti Maria
cu li giusti piccaturi
siti matri di li
Signuri
vui chi siti senza
piccatu
li razii mei su
piccatura
E si eu sugnu eu
piccatu
pozza moriri
distinatu
stu rusariu penerrà
pene e 'nfernu
paterrà
O mio Diu tuttu
climenti
misericordia e bontà
dati a nui la
pruvirenza
di la vostra carità
O sti razii o sti
favuri
veru digni digni su
l'addumannu pi lu
nomu di Maria
e pi lu nomu di gesù
San Giuseppi
gluriusu
vui curriggiti
l'arma mia
vui chi siti patri e
spusu
di Gesuzzu e di
Maria
Spusu dilettu
tantu pirfettu
eu la me morti
allura (all'ura?) l'aspettu.
LU VERBU
(Ricostruzione
da più versioni)
si
recita contro lampi e tuoni, alla sera…
Lu
Verbu sacchiu, lu Verbu a' ddiri,
lu
verbu chi lassau nostru Signuri
quannu
s'inniu a la cruci a muriri
pi'
sarvari a niatri piccaturi.
O
piccaturi, o piccatrici,
guardala e riguardala sta' cruci
ed
ai falli Gesuzzu e fa
piccoli e granni n'ama gghiri dda.
[Affaccia Gesù cu la cruci 'ncoddu:
ch'è gavuta, ch'è bedda
e cu li chiai frischi e duci;
'na manu stisa 'ncelu e l'atra 'nterra]
Affaccia
San Giuvanni
c'un
libriceddu d'oru chi liggia:
"Signuri,
pirdunastivu l'Ebrei:
accussì
atà pirdunari starmuzzi mei".
"Giuvanni,
'un ti li pozzu pirdunari,
c'aiu
lassatu cunfissuri a cunfissari
e
priricaturi a priricari;
ma
iddi nenti ni vosiru fari;
vattinni
a li peni 'nfernali.
Affaccia
Maria:
Cu
sapi lu Verbu e 'un nnu dici
esti
cottu ni 'nna quarara di pici;
cu
sapi lu verbu e 'un nnu l'impara
esti
cottu nu 'nfurnu di quarara;
e
cu dici lu verbu a la notti
è
liberatu di ladia morti;
e
cu lu dici tri voti 'ncampu
è
scanzatu di troni e lampi;
e
cu lu dici tri voti 'mmia (in via)
l'accumpagna
la Virgini Maria.
CENTU
CRUCI [1]
[si
recita cento volte?]
Gesù, centu cruci vulia diri,
chi Diu mi detti a diri e
cuncipiri.
Passannu pi' lu ponti,
corpu meu spirituali,
arma mia a' ricurdari
quannu chi mi partivi di
chidda via;
mi cunfissai, mi comunicai,
li centu cruci mi li dissi,
mi li dissi a memoria mia
lu jornu di la Vergini Maria
CENTU
CRUCI
[2]
[da recitare in punto di morte, o il 25 marzo, giorno dell'annunciazione]
Gesù, li centu cruci vurria
diri
si Diu mi lassa diri e
cuncipiri
Pi ddu battisimu chi appi a
lu fonti
passerò un terribili ponti.
Arma mia di penitenza,
corpu meu spirituali,
N.N.(nome
del morituro)
di chistu munnu a chiddu
munnu a trapassari.
Na chistu munnu mi partii, mi
cunfissai,
mi cumunicai,
li centu cruci mi li dissi:
l'Angilu Raffaeli (Gabrieli)
mi li scrissi,
e mi li scrissi Maria mia, (e mi li scrissi ‘memoria
mia)
lu jornu di la biata Virgini Maria.
ALTRE ESPRESSIONI DI DEVOZIONE POPOLARE
nna chisedda c'è:
è firriata di lu meli,
dintra c'è lu corpus Domini
cu la vergini Maria.
Lu figghiu 'n sonnu m'aiu sunnatu
ch'è prisu e attaccatu.
Cu lu dici tri voti lu
sabbatu addjiuni
guadagna dudici anni di
pirdunu
Maria
supra li mura notti e jornu
chi fa lustranza pi tuttu lu
munnu
e un surdatu la stava
taliannu:
"Chi 'ran lustranza chi
c'è na stu' cuntornu!
Vui, signuruzza, chi gghiti
facennu?
Chista 'unn'è l'ura di iri
caminannu"
- Ma eu caminu la notti e li
jornu:
li figghiulucchi mei vaiu
vardannu ! –
Matri
chi siti bedda, eu vi salutu,
aiutatimi: 'n vita e morti lu
vostru aiutu;
eu vi salutu cu l'Avi Maria,
o Matri, arricurdativi di
mia.
Ave Maria...
Stu
jornu l'arma mia si cunsulau
tutta si saziau virennu a Diu;
na tavula cunzata chi truvau
nun era degna di irici iu.
Pani celesti sta vucca
mangiau,
e cu nun ni mangiau spinna di
Diu;
ni voli beni picchì ni criau
e morsi 'ncruci pi' l'amuri
miu.
Signuruzzu
aiutatimi
Santu Patri assistitimi,
sangu di Gesù Cristu
cummigghiatimi
(facendo il segno della croce)
Gesu Nazzarenu
re di li Judei
aiutatimi
Rosa
Rusidda giardinera mia
chi voli Gesù e chi voli di
mia,
ogni matina ci l'abbivirava,
chi voli stu Gesù chi sempri
mi chiama.
Quannu si rapi lu santu
tabernaculu,
dintra c'è chiusu lu me caru
amuri;
quannu si rapi mi nesci lu
ciatu,
cibari mi vurria na tutti
l'uri.
"Figghia, nun pozzu chi
sugnu carciratu,
li chiavi l'avi lu to'
cunfissuri
e sugnu 'nchiusu comu un 'namuratu,
di nomi eu mi chiamu
Sarvaturi"
Pi
patiri, patiri pi Diu,
pi muriri muriri pi lu
Signuri,
eu v'abbrazzu, o miu
Redenturi,
pi muriri abbrazzatu cu vui.
