T B D    S Y S T E M

Vita (TP) - Italy

Città di Vita Tagliavia S.Giuseppe e S.Padre Scuole Archivio Cronaca e Sport Benvenuto

 

Superiore
124 anni fa
Garibaldi (discorso)
Risorgimento Vitese
Proverbi
Indovinelli
"Parti di lu Bamminu"
"Simana Santa"
Rosari
"Parti di S.Giuseppi"
Credenze
Ninna nanna
Preghiere ai Santi
Orazioni
Santa Brigida
(non solo) Preghiere
La cacciata
Terremoto 1968

Novità

Mappa

Si consiglia una risoluzione video 800 x 600

sezione Archivio

Terremoto 1968

versi di Bernardo Scalisi

poeta dialettale vitese

 

Lu quattordici di innaru nni resta a menti

stu terribili precipiziu chi successi

nta li provinci di Trapani e Girgenti

lu tirrimotti fici gran prugressi.

Lu corpu fu di notti e cchiù putenti

e ognunu nun guardannu cchiù nteressi

picchi di Muntivagu finu a Vita

cu fici ntcmpu si salvau la vita.

 

 

Vi parlu di S. Margherita

di Poggiureali e di Salaparuta

quanta povira genti persiru la vita

in rnezzu a li macerii seppelluta.

A S. Ninfa c'è nna gran ferita

e Gibellina è tutta scumparuta

e li paisi vicini veramenti

semu tirrurizzati di spaventi.

 

 

                   

Trimau la terra e cchiù trimavanu la genti

e lassamu li nostri casi tutti quanti

li scossi si sintianu cuntinuamenti

e nui priavamu a tutti li Santi

ognunu nun pinzava proprio nenti

pinzava sulu di tirari avanti

cci foru tanti poviri nuccenti

chi persiru li matri a ddi mumenti.

 

 

                   

Tutti partemu pi l'accampamenti

di lu paisi vicini o distanti

tutti partemu a fari barraccamenti

cu tili da tenna o tiluna pisanti

e nta li macchini quantu povira genti

ca di lu friddu eranu trimanti

e si facia ogni notti focu ardenti

pi riscaldari a nui povira genti.

 

 

                   

Ringraziamu a lu nostru Prisidenti

di la nostra Riggioni Siciliana

chi ccu li so palori cummuventi

la firita di lu cori nni la sana

lanciau lu sò prugramma a tanti genti

chi partiri vulia in terra luntana

lu dissi puru nta lu gazzittinu

picciotti nun lassati stu iardinu.

 

 

                   

Stu iardinu ringrazia li Nazioni

chi nni mannaru robba, sordi e pani,

e nni livaru tanta cunfusioni

a li terrimutati Siciliani

nta li strati c'era tanta cunfusioni

di carri furisteri e Taliani

vinianu tutti quanti priparati

cu ruspi e trattura carricati.

 

 

                   

Ringraziamu puru li forzi armati

chi li primi di tutti hannu vinutu

di viviri e indumenti priparati

e miricinali pi darini aiutu

vinniru puru cu li so surdati

cu lu curaggiu tantu risulutu

purtaru puru li so carri armati

pi abbattiri ogni muru demulutu.

 

 

                   

E tu o sommo Dio onnipotenti

capu supremu di tutti li Santi

pirduna li nostri lingui assai taghienti

chi ti hannu offisu cu modi mpurtanti

nni miritassimu nta lu focu ardenti

pi essiri abruciati tutti quanti

nni tirasti l'aricchi leggermenti

cu la to manu santa e pisanti.

 

 

                   

Vi chiedu scusi signuri e Presidenti

si li me versi nun sunnu cunsunanti

nun sugnu nne pueta e nne studenti

sugnu di qualche cosa dilettanti

ddocu potti arrivari la me menti

e tirari nun potti cchiù avanti

fazzu la fini e nun pighiu chini mprisi

e iu mi chiamu Binnardu Scalisi.

 

 

 

 

  Pagina Guida  -  Mappa del sito  - Links                 
Pagine Web a cura di Vito Tibaudo