 |
| Omaggio ai poeti bellunesi. Senza nessun scopo di lucro. |
| An bocia de botega Sucede ke i amighi kualke olta n cin par skerzo, n cin par far da l bon, i me rifila l nome de poeta e mi me vién an zerto rumigon. Anka se i kavéi i olta al griso me sente inveze l "bocia de botega" ke ogni tant se porta a kasa n fior ke l à intaià ma lu te n tok de brega. Forse l é kuesta l "eterna gioventù" e domandando skusa ai me paroi ge dòpere l inpreste de l mestiér restàndome solo al dispiazér d avér robà na fraska de fasoi te i kanp eterni de le so virtù. |
I spiriti Ke konpàri Piero e Valdo! Senpre in bala tuti i di! ma sentì la novità: an di Valdo no l béi pi! Piero inveze no l s inkanta, al kontinua a trakanàr anka senza so konpare a l fa bale a tut andàr! Desperada so moiér la kor via da so komare "dime Sunta atu fat ke? dime l truko ke l inpare!" "Me son mesa drio la kasa te na not de n gran balon na sgorlada a na kadena e tre kolpi te n bandon" "A kosì! Dès pense mi!" La pitura te l redòs na vestalia tuta negra ko na krepa e kuatro òs. Vendre sera a medanòt la se skonde drio l kanton e ko Piero riva in bala la ge fa: "Piero... parton". "0 par bio, ki setu ti?" "Son la mort ke gnen a ciorte!"... Porka vaka! ke paura, pa n momento avée kredést ke te fuse me moiér, ma... se vede ke ò beést! |
| La storia (vera) de Gio "Pit" L era longo e magro, l era bon fa n tok de pan. Poareto, galantomo senpre pronto a dar na man, Ko l à tirà i skarpét se à dat tuti da far tra Rugo, Toricele, e l Prà, par aiutàr. "La kasa ciano Sçius, a portarono penson noi, no l pol mia ciorse l luso de l kar koi kavaloi!" Prestìn a la matina i parte verso Prade; a spale un alt, un bas, o Dio kuante sgorlade! , Ko i é rivadi là i lo met su l kavalét, kuatro razion in presa e l é bel ke benedét. Un al féa na lagrema, e in fondo se kapìs: "momento del distako" kua tuti varda fis. Ko i branka te la kasa par meterlo par tera se staka paredane, al kuèrkol, la ciavèra e se vede Gio "Pit" bel, destirà sul fondo godérse ankara n cin la vista de sto mondo; e da n kalzét sbusà drét kome n monumento al dèt pi gros de n pié diséa: o santintento ma varda ke figura! ne ali inbalà mal? o saralo bel ke l ora del iudizio Universàl?. | "Paskua" de resurezion Tonìn torna da Mesa e premuroso al va da Pina e l ghe sgnaaka n bevo; kosita l fa la sera dopo zena e la matina ko se leva l di. Pina la pensa: ma varda ke l é bela l é tanti ani ke non l ghe pensa pì! Saralo amor? Saralo na fiamèla? Ma ke mirakol sta Resurezion! Infrankàda la ol savér parké e Toni ghe risponde: i me à ordenà: par penitenza tre olte al di te basa la krose pì granda ke l é a kasa. |
|
Al Konvént de Vedana Poià te n piàn a i pié de la montagna ko le ite kome n scap de fede, la Lesa, l mur intorno a la kanpaha, te parla de pase a ki te vede. Kuàlke olta te me torna in mente ko sta vita grama la se fa sentìr e te invidie la to santa dente ke pensa, prega e vive... par morìr. Dentro i to mur l é l vero paragon de kuél ke noi perdon a ndàr de korsa drio n beneser ke spes l é n ilusion e ke pianin te sèra te na smorsa e no l te asa l tenp d oltarte indrìo a ripensàr ko i frati: ki elo Dio? |
I oci de Eleonora I oci de n piciol i é n mar! Là se nega i tristi pensieri e le vele bianke de i sogni pi bèi le trova porti seguri. |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)