Madòna dei subiòt Madona de i dolori Madona de i subiòt, inkuriosì da tanta konfusion son ndat in piaza: le sòlite bankete, montagne de nosèle, al zukero filato, al mandorlato e rosi, verdi, giai, kalor de le panoce baloi pa i boce; ma me kolpìs an vèrs, na spèzie de zirèla, la vos de n oselìn ke (kanterina) vién da na banketa. Ma varda ke mestiér doi bòce kon trapèl ke no se vede i subia kome i fuse lugerin. Sarala invidia? O' voia de provàr? Me kronpe la zirela e take a subiotàr. Ma mes revès al bici le Ia boka momenti la me toka: e take a bolsegàr slargando i oci ke se no sçiupe svelto la zirela, Madona de i dolori, Madona de i subiòt! Me toka far la fin de I bekanòt.	Spetando l Papa A forza de pregàr e de spetàr e de vardàr, in zima s à vist an sbuf, po n altro, n altro nkora ke po se sfanta. Invéze no! Se leva su da i kop na buberata bianka. Se vèrde finalmente la fenestra e la speranza; ... Habemus Papam! Dis an Kardinàl. ... Eminentissimum ac Reverendissimum Dominum, Dominum Albinum!..." L é kome na bonba ke sçiopa nte l kor e tuti se piande. Mc pare se segna, me mama n denocio vizìn na karega la prega.
Se n dì Se n di te zerkerà tra le me karte se ò mai pensà de farte na poesia, te katerà l amor e fursi l arte de ki te à fat an cin de konpagnia.	La fin de la iornada Ko riverà la fin de la iornada, ko bcn sarà finidi i nostri afani, no volarìe Signòr, par na monada, ke te me fese l kont de tuti i ani. Dei primi de segùr te me perdona ke zerto dispiazér no te n ò dati, l é dopo ke pa l mondo ò fat al mona e de pekà pì grosi ge n ò fati. Speron Signor ke alora in Paradiso an alt e n bas i torne a far galivo, ke no te me naskonda I to soriso lasandome de fora tut solivo.
La zata L é not. Ligada da le sake nte la Piave dorme na zata. E l akua ke la pasa in fra le taie la ciakola ko i sas. Na luna granda kome na farsora a l à sçiarì le grave. E da la césa i vién par do, par tre i zatèr ko i so rusàk in spala. La zata la se staka e te l silénzio, ciara sot la luna, la taka a navigàr.

Bressan - Bridda - Cela - Comiotto - Crespan - Dal Molin - Dal Pont - Dal Poz - De Bona - Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon

website by nònobèpi 1998-2007 - Tutto fai da me o quasi :-)