 |
| Omaggio ai poeti bellunesi. Senza nessun scopo di lucro. |
| La me Piave Me par ke sie stat skrit, te n mur, inte na piéra a rikòrdo de kuei fioi ke pì no i é tornadi ke tute le akue a l mondo, par lori, l era Piave e Grappa le montagne, inkontrade in guèra... Mi, da tosatèl, o l akua da n mastèl fée korer par l kortivo e ko n badìl, na sapa, an grun alzée de tèra par mi l èra Piave e l altro l era Grappa. Kuade ke me à tokà ndar apl mondo in girl ò senpre tant pensà a l akua ke skoréa, a kuela ke paséa, rente, te le grave, ciàra, te le roste: l akua de la Piave! Adès, kuasi da vécio la vede portàr via... Forzada in galeria la và par le zità, la inpiza lampadìne, ma una, untro de mi, da tant la se à stusà. |
Dèrla Te ò vist, dèrla, piena de fén, de stran, de markanzie, sora le spale de pori kan, kargade. Adès, tu sé in pension ko trapèi, ko tràpole, inkantonade. Vorìe ke i cei i te vardése par inparàr na lezion, da le steke, toe, frugade. |
| Restèl Restèl, la to storia par kuela de la dent ke, vcia, perde i dent insieme a la memoria. Spés, kuel ke l é pasà l é prést desmemtegà, kofà despèrs da l vent. No l é restà pi gnent de kuél ke tu à ingrumà, gnanca n cin de gloria! |
El vent El vent, mi krede, ke l sia kome la mort. Se l sent, sol, ko l ariva. El vent, mi krede, ke l sie kofà de mal. Ko l é fort el te trà in téra. El vent, mi krede, ke l ne fae kapìr ke ghe n é de robe ke no se vede! |
| Tristéza Me fa tristéza na kasa voda; na kanpana ke sona, par a n mort, n amigo, an karo; n osèl ke fa tabaro; el mal de n tosatèl; an bosk, dopo na piova; n akua ke no kor; an dì, ke mor. |
Treno Treno, ferovia: skarsi rikordi de alegria; tanti da vapor, de fun, miseria; de tosàt ke véa a laoràr, manko a studiàr; de migrazion, de dent ke skanpéa via. Rikordi de soldadi, partìdi, mai tornàdi; de vagon, pionbadi; prisonìa. |
| Na stela alpina Le bele ponte, bianke, d arjénto, na stela in tera tu paréa kaskada, kome rivada da l firmamento e te na kresta, alta, piantada. Ere vegnest a ciorte, ko atenzion, postandome ko i pié, pojando ben la man; so ghe n era an gran buron... kugnea vardàr de olàr, lontàn... Adès tu sé kuà, sekada in medo, in mèdo a sto libro, a darme l segno. Anka ti no te podéa finir pèdo; distante da l to mondo, da l to regno. |
An troi La vita l é n troi, èrt, pién de sas, ke tut te sforza de paràr in banda par pasàr, far pasàr i altri. Ko tu sè strak tu te ferma; i va avanti lori, po, kuei ke vién, i fioi de i to fioi. In ultima de l èrta i dis ke se se kata, insieme, tuti, par far festa... Ke se rive in zima? |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)