A laddronaia

A l'é sciortïa co-a sòlita zimära
e a borsa sotto a-o brasso
dòppo avei cangiòu l'ægua a-i doì canäi
che l'an saluâ da-o canto da cuxinn-a,
pe-a stradda pöca gente, un spassin,
doì gatti, e ceste feua da besagninn-a,
o sòlito mattin
ormai da tanti anni
e a sciâ Camilla ch'a traversa a stradda
grixa e smangiâ comme a seu fädetta.

Nasce e se gonfia o ronzâ de 'n moscon
derrê a-e spalle,
unna boffâ de vento, moæn, un streppon,
doe teste de figgeu, schenn-e che xeuan
into sbraggiâ arraggiòu de 'n motore
e a sciâ Camilla in tæra a sente a vitta
scappâghe via co-o dô e a no sa o perché.

In sce'n lettin, tra un gianco giâ de cappe,
unna figùa menùa
a pensa a-i seu canäi restæ soli
e a se sente nùa;
là in fondo, derrê a-i veddri, a çittæ
sùccida, gonfia, sensa caitæ,
a se ingheugge inte 'n vello de tägnæ.

Massoero

Assettæ into gïo do vento
aspëtemmo
che a pùa do tempo
a ne ingheugge 
in antighi pattæli
ògni giorno ciù lisi.

Quattro scarti de òmmi
e 'nna cicca ch'a bruxa
sensa coæ de parlâ
sensa dovve pösâ
euggiæ stanche
de ammiâse in gïo.

Solo a neutte
a disegna in scê facce de prìa
remasuggi de quëte
e o scroscî di respïi
o pâ o cianze
de sta gente despersa.

Giornâ in pòrto

Carma d'äia in sciâ taggia do tempo
Da distante
a çittæ a pâ un bolacco de çenie
sensa manco 'nna zimma
e i caroggi
canæ che respïan
refrescumme da vegi coniggi.
A-a "Lanterna" i camalli discuttan
(facce scùe into fumme de cicche),
sento in gïo unn'äia de guæra
che a me strinn-a
faxendome mâ.
Passa unn'öa deserta.
Into testo
a fainâ a sta piggiando o scotizzo;
(serrâ i euggi, me pâ de sentî
da-o portâ ciammâ a voxe da moæ
quande e lente figùe pesanti
s'intanàvan da-o banco de zingo
pe-a sbïra pescâ into cädion...)
A l'é andæta... No végnan... Paçiensa!
Nuvie grixe de d'äto à Caignan
stìssan gosse
inte l'äia besinscia
de 'nna raggia che pâ de toccâla;
là discùttan e chì...: "Ammòrta o feugo,
creuvi i tiæn e alleuga e giærave!"
Inta göa
o magon che o ne ven da distante
o l'é dùo da collâ ciù che un tappo
e no basta
in sciô fâ da seiann-a
e raxoin giastemmæ in gïo a-i gòtti
pe tiâ feua,
da-o steumago à groppi,
tutto o teuscego de sta giornâ.

Vëgnime incontro

Vëgnime incontro
quande meue a neutte
vëgnime incontro
quande scenta o scùo

làscime andâ 
à spiäge silensiose
drento veitæ
che no son ciù poiose

lascia scorrî
l'ùrtima primmaveia
(un giorno dòppo l'ätro
e pòi l'é seia)

làscime à un passo
da-o capî sta vitta
che ò traversòu in sce'n lòu
comme 'nna gritta

pòi drento a-o ninte
pìggime pe man
e comme un figgeu sperso
pòrtime ti lontan.

Bucati appesi
panni
e la gabbia dell'uccello,
intorno
la confusione del vicolo
il borbottìo
per un cane arruffone
le lampadine
accese nelle vetrine
basse che sembrano finestre
l'odore del friggitore
una scala
arrampicata verso il lumino
segnato da una ragnatela,
d'estate
sempre gli stivali
di gomma
che si mettono quando piove;
un metro di vicolo
tutto suo
gli occhi in caccia
la faccia
che sembra fatta da tanto
le solite parole che nessuno 
capisce più.
Sembra che affondi
un po' più ogni giorno
antica chiglia
sbreccata
una sera...
e un'altra ancora
e lei continua a navigare
sotto il lampione 
senza sperare...
poi comincerà il piovigginio
ad affilare il vicolo
uscirà il babau
ad ululare tra i muri rozzi
come un cane,
a rammendare di gelo
uno strofinaccio...
chissà mai 
quando
sarà stata bambina...

Lo scippo

È uscita con la solita zimarra
e la borsa sotto il braccio
dopo aver cambiato l'acqua ai due canarini
che l'hanno salutata dall'angolo della cucina
per la strada poca gente, uno spazzino,
due gatti, le ceste della verduraia,
la solita mattina
da tanti anni
e la signora Camilla attraversa la strada
grigia e consumata come la sua sottana.

Nasce e si gonfia il ronzio d'un moscone
alle sue spalle,
un soffio di vento, mani, uno strattone,
due teste di ragazzi, schiene che volano,
nel gridare arrabbiato d'un motore
e la signora Camilla in terra sente la vita
fuggirle via con il dolore e non sa il perché.

Sul lettino, tra un bianco girare di cappe,
una figura minuta
pensa ai suoi canarini rimasti soli
e si sente nuda;
là in fondo, dietro ai vetri, la città
sudicia, gonfia, senza carità,
si avvolge in un velo di ragnatele.

Massoero

Seduti nel giro del vento
aspettiamo
che la polvere del tempo
ci avvolga
in antighi pannolini
ogni giorno più consumati.

Quattro scarti d'uomini
e un mozzicone che brucia
senza voglia di parlare
senza dove posare
sguardi stanchi
di guardarsi intorno.

Solo la notte
disegna facce di pietra
rimasugli di quiete
e lo scricchiolare dei respiri
sembra il pianto
di questa gente dispersa.

Giornata in porto 

Calma d'aria sullo stenditoio del tempo.
Da lontano
la città sembra un secchio di cenere
senza nemmeno una favilla
e i vicoli
canali che respirano
lezzo da vecchi tombini.
Alla "Lanterna" i camalli discutono
(facce scure nel fumo dei mozziconi).
sento in giro un'aria di guerra
che mi scotta 
facendomi male.
Nella teglia
la farinata sta pigliando il rifritto;
(chiudere gli occhi, mi sembra di sentire
dal portone chiamare la voce della madre
quando le lente figure pesanti
si rintanavano dal bancone di zinco
per la "zuppa di trippe" pescata nel calderone...)
È andata... non vengono...pazienza!
Nuvole grigie sopra Carignano
stillano gocce
nell'aria gonfia
di una rabbia che sembra di toccare;
là discutono e qui... "Spegni il fuoco,
copri i tegami e riponi le barbabietole!"
Nella gola
il rancore che viene da lontano
è duro da deglutire più di un turacciolo
e non bastano
sul far della sera
le ragioni bestemmiate intorno ai bicchieri
per tirare fuori,
dallo stomaco annodato,
tutto il veleno di questa giornata.

Vienimi incontro

Vienimi incontro
quando muore la notte
vienimi incontro
quando sparisce il buio

lasciami andare
a spiagge silenziose
dentro verità
che non sono più paurose

lascia scorrere
l'ultima primavera
(un giorno dopo l'altro
e poi è sera)

lasciami a un passo
dal capire questa vita
che ho attraversato su di un lato
come un granchio

poi dentro al nulla
prendimi per mano
e come un fanciullo perso
portami tu lontano.