LIBBERTA' SE SA CHE COSTA CARE
Saranne state diéce-dutece anne
che j' cerchétte a fa' 'n ministrone,
non proprje uguale a chije chè se fanne,
divèrse, pe la pubbleche opinione.
Pijétte Senatore,Députate,
Ministre,Consigliére Réggionale,
mèmbre de commissione,Sindacate,
Sindeche,Cosigliére Provinciale,
Préte,Comméndatore,proprjétarje!
inzomme tutta ggènte chi j' potére
assiéme a tutte l'atre cose varje,
'N minietrone bbone pe ddavére!
Proprje squisite,i quiste n'é 'n vante!
Pérò pe 'n rimorse de cuscénze,
bénché piacéve quasce a tutte quante
me se crejrne dubbje i diffidènze.
Perché,sécondo mé,nn'éve pensate
che quélla robbe misse a lla chettore
putéve resulta' tutt'avariate,
'po j' passéve p'avvélénatore.
Ma la recètte la leggétte spésse,
facéve a tutte l'acquarélla 'mmocche,
pérò i dubbje remanirne i stésse:
Quinde,dicéve,é méjje che nz' tocche'.
Cumma proggétte putéss'èsse bbone,
pèrò s'éssa truvà n'atre sistème:
discorse,propagande,votazione
fine a resolve tutte i probblème;
Ce vo' i témpelma pérò se cagne,
d'allore so' succésse cose strane!
n'é proprje più i témpe de cuccagne.
Se dice:chi va piane va luntane.
Se pò parla' de più cumma te pare.
pure s'allore 'nce se stéve zitte,
La libbértà se sa che costa care!
Pure s'é sacrosante 'ste diritte.
Imméce mo ce stanne cèrta ggènte.
sole perché quésta démograzzìje,
j'ha fatte, pprovvisorje, diriggènte
ulésse repurta' la tirannìje.
I l'atra sére m'ammitirne a céne:
pe j' pallone, pe la promozione.
'Na fèsta bbèlle, organizzata béne,
discorse ,discorsétte,prémiaziòne,
Sindeche, j'assessore comunale
sportive,giocatore, consigljére
e un'ospite del tutt'eccézzionale
assiéme ajj' 'mmitate foréstjére.
'N prufessore brave, générose,
sportive appassiunate d'i' pallone.
grosse barone-médeche-costose!
sèmpre prèsènte a tutte l'occasione.
Amante de Betovèn,de Mozzarte,
tante c'ha fatte métte a i' Campesante
'na cose proprje bbèlle, schérze a parte!
'N grosse impiante che j'altoparlante',
Té l'amecizje pure che j' prete!
ch'i Véscheve,la Cehjése,ch'ì Prejore,
tutte la ggènte sa ca n' nce créte,
ma jsse ' o fa vedé ch'é supériore.
Non sole! E' pure une de Cossutte,
quije che se mittétte contre i' strappe,
pèrò 'n stappe che nz'é maje rutte.
Mica fa parte de j' G.B. Cappe !?
Parlétte che 'n tone da padrone,
cumme se stésse amézze a tanti sèrve,
cullétte giuste-appunte l'occasione
pe ddi' ca 'ncoppe i munne n' nce sèrve
bbone capacità che la passione,
bravi vajjule pe j'allévaménte
"La Socétà Sportive e sole bbone
se té' i solde pe pagà 'la ggènte ".
Sole chi té' i solde pò parla'
i parle bbone pure se 'ntartajje,
mèntre chi té' la bbona volontà
ne pò parla',sicuramènte sbajje;
Pe nn' sbajja',nisciune più parlétte.
Ne mme recorde manghe cumma fu,
quaccune,sotta sotte,me dicétte:
quaccose le po' dice pure tu?
Allore sénza tanti cumpliménte,
dicétte ddu' parole,in itagljane:
brave j'atlète,brave i diriggènte,
i vostre sforze n' nzo' state vane.
Séte purtate 'ste paese nostre
a garréggia' che j'atre più importante.
i mèrete é soltante tutte i vostre
i nnu' ve rengrazjéme tutte quante.
Ma mo pe farve fa' quacche risate
ve vojje lègge 'na recètte antiche
de 'na minestre proprje prilibbate.
Tante,massére seme tutte amiche!
"I MINISTRONE", cumenzétte a lègge,
quinde leggéve quélla filastrocche,
che j' scrivétte che la malippégge.
culpènne i comandante de " La Rocche ".
Ma sénz'annummena', cumma so' ditte
né paesane i manghe i foréstjére,
leggéve cumm'allore l'éve scritte:
critech'apèrte a chije ch'i' potere.
Apriti céle !...Fu 'n putifèrje
I prufessore tutte riséntite
dioétte:" Quést'é proprje délètèrje!
Io me ne vado, grazie dell'invite
I sindeche,séguace de Spallone,
s'avvìje pure jsse a camina',
cumme 'n cane apprésse a j' patrone
i cumenzétte pure a sbrajda',
ma 'nze capéve quélle che dicéve.
ce scivene da 'mmocche certi rajje!
Avojje a ffa' 'nze proprje curreggéve!
Forse perché la code éve de pajje.
Se cacce la giacchette,jrna règge,
ad ogni coste uléve litiga'
'n scalmanate ,anze pure pégge.
Ce ne vulirne pe j' fa calma' !
Che mì, mo, ce la tinne proprje a morte,
la rabbje ce venétte pégge ancore,
irna 'ncassa' 'n colpe troppe forte,
perché nisciune scétte apprésse a lore.
La ggénte remanétte sbalordite!
già stéve preparate a ddu' risate,
imméce se fenétte quasce a lite'.
Figurete se j 'éve annummenate!...
So reflettute a lunghe a quélla sére;
Quasce paure,no fisicamènte,
J' me mittétte,ma ch'i' dispiacére
penzènne a quésta ggénte prépotènte'.
So' cose quéste c'une nze l'aspètte!
Tu scrive quacche rime pe fa rite:
satere,poésije,barzellétte
i chìste quasce quasce t'unne accìte.
Ecche perché pittore,musiciste,
scrittore,giornaliste i j' scénziate,
a 'sti paése addo' ce stanne chìste,
vanne p'i manicomje i carcerate.
Agoste '84
inizio
-libri editi -parlato
pulito - sposi -politica-
amici - altre rime
-immagini -giochi-
nomi - prosa - novità
© 2004 by Duilio De Vincentis- tutti i diritti delle immagini usate sono
dei rispettivi titolari s.l.
Webdesigner:weball - curato
e messo in rete da |
 |