A UMBERTE SCLOCCHE
j'ùlteme salute
Ciave Umbè,buon'anne,cumma sta
Apriste j'ócchje i nn' mm' respunniste,
faciste sòle i' ggéste che lla mane,
Ma dópe respunniste appiane appiane:
- pe mmì ormaje sò' ffenite i guaje,
j',ve salute a ttutte me ne vajje. -
Ma cu sta' ddì,nn' ddì le féssérije
Cc'é ttempe ancore,nne nte scuraggì,
ormaje te ce sì abbituate,
nne nn'é la prima vóte che patisce !
- Tu schirze sèmpre,nne mme vide 'mbacce ?
'Sta vòta no,'sta vóte nce la facce ! -
Diciste quéste còse sorridènte
i ssorridénte seguitiste ancore:
- Ve ne scurdéte sùbbete de mì ? ...
Ma nce fa nénte,nce facete case,..
Le sténghe a ddice giuste p'accuscì,
pe ddì quaccòse prime de murì. -
'n annude 'n gganne a mmì me se mittétte
i nn ! me scétte manghe 'na parole,
La mane scullerite ci'alliscétte
i la sendétte frédde,sénza vite.
Più de vint'anne, povere crestiane!
La mòrte se l'é vviste ammane ammane.
Me repenzétte a ttante i ttante cóse:
te revedétte pijne de salute
scappénne sèmpre apprésse a jj pallone,
cumme se già sapisse la sventure.
Uliste raffrancà a ttutta prove
quélle che nn' pò fa chi nz' pò mòve.
Te revedétte 'nziéme ammézze a nnù
quande passiggiavame a mmonte i a bballe,
sèmpre cunténte,allègre,spénziérate,
pure s'ì témpe nn'ìvene i più bbéjje',
Sì affruntate tanti sacrifice,
d'esémpje tu si state pe jj'amice,
'Pò succedétte qujjje patatracche
i nnù nn' credavame a j'ócchje nóstre,
ce n'accurjèmme quande a mmonte i a bballe
caminavame i ttu nce stive più.
Ce guardavame 'mbacce ammutolite
penzènne che vivive quélla vite.
Ce repijjémme dope quande tu
a nnù diciste tutte rassegnate:
Dije accuscì ha vulute, cu ccio fa!?...
J' spère che mme désse quélla fòrze
che sseguitésse a ffarme rassegna
i ppózze dice: Umbè,tire a ccampà! -
I Dìje ha mantenute la parole,
t'ha date forze i ancore piú ccuragge
de affruntà 'na vite che nn'é vvite
i d'adduprarle sénza suppertarle .
Le piaghe,i sacrifice i jj delóre
sì ttramutate tutte che jj'amore.
I bbóne ésémpje tu ci sì llassate,
i testaménte si lassate scritte:
- leggéteje - sì dditte, - ve fa bbóne,
spéce a cchi soffre cumma soffre j'.
'Sta vita quéste pure se raggiuste
bbaste sapé truvà i vérse ggiuste, -
Tu sì campate cumme 'na cannéle
che ppijje i ammane ammane se cunzume,
pérò la fiamme é state sèmpre chjare
tante che nzì sbajjate màje la vije,
t'ha Illuminate sèmpre sénza véle
ecche perché tu mo te truve 'n céle.
Perdùnece, Umbè, nnc sséme degne,
nce séme comportate tróppe bbóne.
J'ommene le sa fà le cóse bbèlle,
pero sa pure fa le mal'azzione.
Tu sta' a j munne de lla vérità
mméjje ancore ce pò perdunà.
Salute tuttequante 'nParadise
i spécialmènte quijje amiche care
ch'é state pure care amiche ti,
dicce che nze ne séme màje scurdate.
Umbè ! J',nénte più te sacce dice!
Prighe pe nnù i Dì te bbenedice .
8.1.1976.-
inizio
-libri editi -parlato
pulito - sposi -politica-
amici - altre rime
-immagini -giochi-
nomi - prosa - novità
© 2004 by Duilio De Vincentis- tutti i diritti delle immagini usate sono
dei rispettivi titolari s.l.
Webdesigner:weball - curato
e messo in rete da |
 |