FU 'N JURNE BRUTTE (i 19 solde)
J' m' repènze a parécchj'anni fa
quande avame ancore vajjulitte,
quande s' mittavame a pazzijà,
quande s' mittavame a fa' a sassitte,
a fa'a mazzitte, a sèttemmézze, a stoppe,
a muse,a libbre,a bellinzalatine,
a fante cavalle i re, a fa' le scoppe,
a fa' i cunte a spine i a lentrine,
a piofisse, a sciocche, a zompa quajje
i sempre sporche pegge d' la tèrre,
quande i' gioche s' pijjéve a stajje,
quande s' devertéve a fa' la guèrre,
a tingueli i tanguele, a pazzià ch'i murze
a fa' a marrate, a fa' a pitepitèlle,
a fa' a piattucce, a scattelélle, a jurze,
limmérne dajje a fa' la scivelarèlle.
De j' sassitte me recorde bone,
pure a fa' chi joche i chi scummette,
però nzarrìje quéste l'occasione,
perché a parla' accuscì j' c' remétte.
Tante che me ce trove la racconte
se pure é tante témpe ch'é passate,
é cérte é 'na cose che m' smonte!
Pare ch'ancore mò sténgh' arrabbiate.
Escì, perché p' mì fu 'n malanne!
Ma raccuntéme cumma fu la storje:
putéve ave' allore se' sètt'anne,
i fu 'n jurne che tenéve borje,
perché tenéve deciannove solde,
une c' ne manchéve a ffa''na lire
( sci 'ccise j' quijj'urne fu'n stolde!)
I tutte allègre m' n'jéve in gire.
J' iéve in gire caminènne a cocce,
sole perché j' mentre caminéve
i solde che teneve alla saccocce
sunivene i j' me rallegréve.
I 'po penzéve: une accuscì ciche
che chisti solde pò j' pure fore,
spéce s' va ch'i' patre che la biche,
pò fa la maffie cumme 'ne signore.
Ippure dope fatte tutte i ggire
ne stéve proprje béjje soddisfatte,
penzétte allore d'accucchjà la lire.
mo vé' le béjje, i s' n' vé' i fatte.
Rejétte a case i mamme m' dicétte:
cu va' facènne sèmpre vurrejènne?
Pijjete i libbre, ligge, damme rètte,
appùsete n' jj' più musqueliènne!
Pijjétte i' libbre, ma ne jj' leggéve,
penzéve a quijje solde solamente,
'na lira sana sane j'vuléve
i frunna frunna silenziosamènte
anndunétte tutte i m' n' jétte.
L'enga accucchjà, dicétte, n' nz' scappe!
Mo enga fa' a chi joche i chi scummétte,
sicuramènte quacchedune 'i ngappe.
Sunènne i solde che 'na presemizie
a quélle d' Venanzje ulétte j'
i a quijje p' la rabbje già le trizje
pare c' stéve a cumenza' a veni.
Stéve ch'i' libbre sopre le tinocchje
i m's' revutéve sotta sotte,
facéve 'mbegne d' guardà Pinocchje,
allore j' 'i cumenzétte a sfotte.
Vena', a deciannove solde so' arrivate,
une ci'amanghe p'accucchjà 'na lire
i tu nte' nénte, évé, sta' desperate?
Inzomme mi mittétte a pijjà in gire.
Ne nne putéve più, povere bocchje!
Caccétte 'n suldicchje da 'nzaccocce
i m' dicétte che le mbusse ajj occhje:
Cio' fa' 'na vota sole, almine accocchje.
Che 'na risétte 'i guardétte 'n bacce,
cumme 'n petocchje resatulle
guarde 'n puveréjje, mo c' facce
i c' dicétte: almine t' capolle!
Sùbbete scétte fore i 'pò rentrétte
che 'n sassitte mmane p' jucà:
facéme a chi joche i chi scummétte,
tante 'na vota sole c' pò fa'.
Imméce, porco Giude mò pallore!
Gioche i j' pipiluse nz' refà,
'na botta brutte quélle fu p'i' core,
allore m' attucchétte a rejucà.
Fu i' principje della fina mé,
ormaje v' l' séte ammagginate
i sénze che v' spiéche i' pérché.
J' remanétte béjje scapullate.
Non sole tutte quéste,le più brutte
fu quande j' arappicchétte i' musse
sentènne la saccoccia sgombra 'n tutte.
Ajj'occhje cumenzétte a 'sci le mbusse.
Fu i' mumente ch'attacchirne a sfotte
Manfrede despettuse i Menicucce,
Venanzje che rideve sotta sotte.
Inzomme che piagnènne cuccia cucce
Me n' rejétte a case scunzelate,
appena 'ntrade mamme m'allucchétte:
addo' si' state, dimme addò si' state?
I du' tré schjaffe 'n bacce m'appiuppétte.
Passétte quacche jurne sénza rite,
'po retenétte quacche solde spare.
So' cose che succidene alla vite!
Sole alla morte n' nc' sta repare.
Ottobre 1953
indice
delle "altre rime" |
inizio
-libri editi -parlato
pulito - sposi -politica-
amici - altre rime
-immagini -giochi-
nomi - prosa - novità
© 2004 by Duilio De Vincentis- tutti i diritti delle immagini usate sono
dei rispettivi titolari s.l.
Webdesigner:weball - curato
e messo in rete da |
 |