LU CUMMERCIU DE LI ZZAPPI
Lu campare Pinucciu si cridìa,
ca fa' cummercio aguannu cu la zappa,
e na vintina, fora, nd ' esponìa,
ma cui passava si mentìa mu scappa:
pe' quantu li dunava a bonu prezzo,
pe' mu nde vinde no' ci fude verzo!
Allora chi ci passa pe' la mente?
a cui la zzappa a tempo s'accattava,
a modo pe m'attira lu criente,
na buttiglia de vinu rigalava.
: M'ognunu lu rigalu pretendìa,
ma de la zzappa sinde strafuttìa!
Pecchì la gente ccà è fatigatura:
li zzappi sugnu tutti mpisi ancora!
E l'atra sira, all'ura de chiusura,
Pinucciu si li scorda tutti fora!
Preoccupatu, si rivigghia all'arva,
pensandu ca ci ficeru la varva!
Corno nu lampu allu nigozio junta.
Li zzappi vide Pinu ancora 'mpisi!
Li scrocca, e poe si mente mu li cunta:
cui mai toccàu na zzappa a stu paisi?
Si cridìa ca l'arrobbau corcunu:
de vinti zzappi nde trovàu vintunu!

PITTURI MODERNO
Lu pitturi pitta-pitta
e la tila tutta 'mbratta,
no' nde fa una diritta,
no' nde fice mai n'esatta.
Quandu pigghja li culuri,
mina, 'ncoccia, 'mprasca, tinge;
alla fini lu pitturi
è cumbintu ca dipinge!
Quandu I' opera è fumuta,
no' mu scula la pittura,
va e la porta, mu s'asciuca,
allu suli na menz'ura.
Ccà lu vogghjo lu pitturi,
mone chi la tila è asciutta,
cchjù no' scerna s'è diritta
puramente testasutta! Ma nu mastru chi passava
disse: "E' simili a na pitta:
cchjù la giri testasutta,
cchjù ti pare alla deritta!"