LA MORTE
1)
A cu mori si dici: va ca vegnu, ca cu va prima aspetta lu cumpagnu.
2)
Havi la vera sapienza cu' a la morti sempri penza.
3)
Vecchiu è cu’ mori, cu' arresta mancia pani.
4)
Cu pensa sempri a la morti, nun pò piccari di nudda sorti.
5)
Si sapi unni si nasci, ma nun si sapi unni si mori.
6)
Quannu la morti è vicina, nun vali né medici né medicina
7)
Ad ogni duluri rimedia la morti.
8)
La morti e lu patruni nun spiari quannu veni.
9)
L'acqua e la morti, aspettala ca veni.
10)
Guai cu la pala e morti mai.
11)
Morti e mala sorti dunni vai ti la porti.
12)
La morti a tutti trova e lu munnu s'arrinnova.
13)
A la sula morti nun c'è ‘mmidia.
14)
Megliu vivu sbriugnatu ca mortu dicantatu.
15)
Morti addisiata un veni mai.