L'AMORE
1)
Matrimoni e viscuvati;di li cieli su' calati.
2)
Ama a cu’ t'ama, si vò aviri spassu, ca amari a cu’ nun t'ama è tempu
persu.
3)
Cu' havi bedda la muglieri sempri canta, cu' havi assai dinari sempri cunta.
4)
Fimmina senza amuri è rosa senza oduri.
5)
Sulu tri cosi nun si ponnu ammucciari: né amuri, né prinizza, né dinari.
6)
Amuri e gilusia su' sempri 'ncumpagnìa.
7)
Donna, chi a lu camminari culu traballa, si buttana nun è, regula falla.
8)
Ziti a vasari e babbaluci a sucari su' cosi chi nun ponnu mai saziari.
9)
Cu' havi muglieri allatu sta sempri travagghiatu.
10)
Cu' scecchi caccia e fimmini cridi, facci di paradisu nun ni vidi.
11)
Juramentu d'amuri e fumu di ciminìa, l'acqua li lava e lu ventu si li carrìa.
12)
Lu gilusu mori curnutu.
13)
Cu' bedda voli pariri tanti guai havi a patiri.
14)
Li difetti di la zita s'ammuccianu cu la dota.
15)
Quannu l'amuri voli, trova locu.