ARTI
E MESTIERI
1)
Arti lorda fa dinari.
2)
Lu 'nfernu è chinu d'avvucati e medici, di prufissura, spiziali e jùdici.
3)
Fa' l'arti chi sai, si nun arricchisci campirai.
4)
Arti di crita, povira e minnica, ma si ti 'nzerta, ti vesti di sita.
5)
Cu’ sta a mastru e nun apprenni, o è asinu o si finci.
6)
Diu ti scansa di boia spraticu, ca ti fa fari la mala morti.
7)
Si vo’ sparlari, fatti varvèri.
8)
Li dinari di lu varveri su biniditti di la muglieri.
9)
Picurara, marinara e sbirri 'un cci aviri amicizia, cà la sgarri.
10)
Pueti, cantaturi e tinci-santi sira e matina campanu scuntenti.
11)
Sbirri, buttani e cani, . quannu su' vecchi morinu di fami.
12)
Vo’ bona tila? Urdìmi grossa e trama suttila.
13)
Lu viddaneddru c'un panareddru voli fattu un casteddru.
14)
Chiddru chi veni di pinna e stola, prestu veni e prestu vola.
15)
Tri cosi lu Signuri 'un potti aggiustari: cucuzzi. citrola e testa di viddrani.