Vai al brano corrispondente in Italiano

Caesar, castris Pompeianis potitus, a militibus contendit ne, in praeda occupati, reliqui negotii gerendi facultatem dimitterent. Qua re impetrata, montem, quo confugerant hostes, opere circummunire instituit. Pompeiani, quod is mons erat sine aqua, diffisi ei loco, universi Larisam versus se recipere coeperunt. Qua re animadversa Pompeiani in quodam monte constiterunt. Hunc montem flumen subluebat. Caesar munitione flumen a monte seclusit, ne noctu aquari Pompeiani possent. Quo perfecto opere illi de deditione missis legatis agere coeperunt et passis palmis, proiecti ad terram, ab eo salutem petiverunt. Caesar eos consurgere iussit et pauca de sua lenitate sua locutus, quo minore essent timore, omnes conservavit militibusque suis commendavit, ne qui eorum violaretur, neve quid eis auferretur.