A l'ìe 'ncontrat in Sità olta ü dé

dopo vint'agn che m' s'era stacc insema

a scöla. A l' ferme: «Cosa fet che issé»?

E lü 'l me arda e con la us che trema

da l'emossiù l' me dis: «Pierì, set té»?

E ai noscc bei tep a m' gh'à facc sö ü  poema.

Professorù, poeta... e che sói mé,

a l'era ritegnit öna gran sema.

De alura a m' se troaa al «Solì» de spèss.

Ü dé l' me salta in ment, dopo ü trisèt,

de daga töcc i me sonecc de less,

per sent ol so parer bel ciar e nèt:

e lü per famm capì cosa l' pensess,

l'è stacc issé gentil... de fass piö èd.

Versetti dialettali di Piero Terzi (Bergamo)

homepage