So facc issé, so facc: al prim moment

me sente infolarmat per töte i robe

bele, che, se i val vü, per mé i val sent:

se a me l' me và ü mester, so mé che sgobe;

se s' parla pò de done de talent

me 'nfiame e i baseress a se i föss, gobe:

e ü lader che l'gh'à 'mpó de sentíment

a l' crede onest acassibé che l' robe.

Ma dopo ol prim moment a so za stöff,

a me sfregesse e cambie de vulada

per famm entösiasmà d'ergot de növ.

L'è issé che gh'ó ciapat chela sunada

sensa remede e prope de martöff,

quando me so scoldat... e l'ó spusada!

Versetti dialettali di Piero Terzi (Bergamo)

homepage