E adess che gh'ó finit la me cantada,

a fó come 'l Giopì che l' se incölchegna

a la ribalta e l' pica öna söcada

sö l'ass, denacc al püblico che l' gregna:

e quando a l' valsa i goss, con d'ön ögiada

a töcc i spetadur a l' varda in ghegna,

per vèd se la comedia i l'à göstada;

e a dì quater parole, in fì, l' se 'nzegna:

«A ve ringrassie tant de l'atensiù

che gh'ì metit a sent ogne batida,

e se v'ó facc gregnà, so contentù:

ma se a vergü no' la ghe föss piazida

chesta me povra rappresentassiù,

a l' sées contét adess... che l'è finida».

Versetti dialettali di Piero Terzi (Bergamo)