La poesia ermetica

Ah, come so ignorant - disíe tra mé -

'n del fa öna spassesada per i Müre -

a fa stampà i me vers ch'iè facc coi... pé,

prope segond i regole piö püre:

 

e. chel che l'me condana amò piö bé,

l'è che 'n de scriv per püblicai, procüre

de metì zo 'l penser che m' vé a la dé,

piö ciar e net che poss, con töte i cüre;

 

quando che al dé de 'ncö l'è de pragmatica

de fa di vers... sensa dovrà la metrica

e a scriv a la manera piö enigmatica:

 

issé a chi less ghe ocor de concentras,

(pò... giass söl có, salass e scossa eletrica)

per restà lé amò 'n fì... con tat de nas!

Versetti dialettali di Piero Terzi (Bergamo)

homepage