Scusém, l'è 'mpo sporcheta, ve l' confesse:

ma issé coriusa... che v'la cönte sö.

Gh'era öna olta ü scíòr de la «noblesse»,

che sö in Sità l'è regordat a 'ncö

per certe so famose score... tesse.

Ü dé a ü tal che lü l'gh'ìa in ment de tö

per magiordom - ma che l' vantaa prodesse

come se di pü svelcc ghe ne föss piö

l' ghe diss: «Set bu d' ciapam isto römur?»

e l's'è voltat per fàghel sent piö bé.

Chel, serio, a l' corr de fò 'ndel coridur:

pò l' turna e l' vusa: «A l'ó ciapat, l'è ché»!

e l' cassa öna trunada in fà magiùr...

che per passà l'esam l'è stacia assé.

Versetti dialettali di Piero Terzi (Bergamo)

homepage