L'è stacc ol Giacom Bosis, ol pitur

che m'l'à cöntada sö dal «Gambiras».

Ü dé che l' lauraa per Casa Astur,

gh'era festa de bal in del palas

con di preparativ de gran splendur:

e lü l'à f acc ü bel pöòt de strass,

con tat de braghe e smoking de valur

e i ale del capel tirade in bass:

pò 'l'à piantat söl cèss, sura 'l sentat

in posissiù de no' capì chi l' föss.

Pensé, a la sira, chel che gh"è tocat

a chi per ü bisogn, i dervia l'öss:

«Pardon!» «Scüsem»! «Madoi, me so sbagliat»!

E l'indomà in giardì... che udur de spöss!

Versetti dialettali di Piero Terzi (Bergamo)

homepage