Föria de durcc la setimana scorsa:

gh'era amò fosc, e dopo i decc la messa,

metit ol sciop a spala e la so borsa

don Carlo a l'corr a l'oselanda in fressa:

durcc a capei ch'í piomba zo de corsa

inturen ai riciam 'nde frosca spessa.

Quando don Carlo a l' pensa che öna tòrsa

sura l'altar a l'è restada 'mpessa:

«Cribbio - l'brontula - se la taca föc

a l' va per aria altar e tabernacol»

E in chel che i durcc i vula zo 'ndel zöc,

a l'sent öna campana... A l'dis: «Signur»!

e fò, e zó e l' corr e l'prega: «Fé ü mìracol»!

Infati... i gh'ìa sunat per l'Esatur. (1)

(1) Nei paesi rurali. si usa suonare la campana il giorno della venuta dell'Esattore.

Versetti dialettali di Piero Terzi (Bergamo)

homepage