«L'è surd come öna tapa - la m' disia

la Mènega, la serva d'don Bastià

là 'nde saleta intat che la metia

zo la toaia a l'ura del disnà -

L'otrer gh'è egnit ol Vescov,

e l'credia de fass mandà per premio zo 'ndel pià;

ma 'l Vescov a sentì cosa l' völía,

l'à ransignat ol nas; e pò l'ghe fà:

«Oressev bandunà 'ste arie sane?

Ma ché söl mut sì comudat coi fiòc:

gh'è gna i palas ch'i val i 'ste campane!..

E lü povr'om: "Ona l'é 'ndacia in tòc

e iè restade sule tre i campane".

E 'l Vescov, pront: "E quater i baciòc».

Versetti dialettali di Piero Terzi (Bergamo)

homepage