Ol Piero Teneblì che l'istà 'n piassa

a l'gh'à miliù, ma l'fa in manera

de fal saì a nissü in che post i a cassa;

(ià guadagnacc töcc quancc de borsanera)

Lü l'se lamenta e l'pians col prim che l'passa,

con tat de barba longa e smort in cera;

e 'n del vedil con la camisa strassa

la zet la dis: «A l'è miseria vera»!

A l'è issé tegn che l'mangia miga assé,

per chest l'è smort e se ghe èd i coste

e l'par che l'basghe ogne moment söi pé.

Gh'è öna persuna sul (l'ìè mia di noste)

che la cred miga al Piero: e l'oter dé

a gh'l'à mandat a dì: l'Agent di imposte.

Versetti dialettali di Piero Terzi (Bergamo)

homepage