I vede a 'ndà a la scöla a l'Ospedal

coi borse sota 'l brass come i aocacc

zùegn e anzià con barbe pier e sal,

e cióme nigre e bionde e có pelacc:

i và per imparà (gh'è de speral!)

come se fa a guarì piö bé i malacc,

con chel che i ciama ol «corso special»

per i dutur che i völ portas inacc.

L'è certo öna gran bela istitüssiù

per töcc i sti dutur che gh'è in condota

che i völ aprofondì i so cognissiù!

Però l' sarà ün afare dei piö seri

se i professur i 'nsegna a fa la «nota»

(come i fà lur) coi cifre a... quater zeri!

Versetti dialettali di Piero Terzi (Bergamo)

homepage