Ma in fond.. .

«A turne a cà öna sira d'improis

d'öna sedüta a la sessiù de Albì:

derve la porta e 'ndo col cör sospis

a daga la notissia a la Margì

 

che mé so 'l «candidato» del pais:

ma quando che so apröf al saletì,

l'me par de sent de det un om che l'dis

serte parole... che no' poss capì.

 

E dopo: «Benedì sta casa ìnfeta

e l' me papà che l'è scomünicat!»

E zo a pians: l'è la us de la me sceta.

 

Spalanche l'öss, e vede ol vecc cörat

con tat de stola e d'acqua benedeta!...

E mé... me so troat inzenöciat».

Versetti dialettali di Piero Terzi (Bergamo)

homepage