Chi pöl capì vergót l'è inteligent!

In mèss a töt ol caos de l'eticheta

che 'l vüsa al Quirinal ol President

'ndo s'va col frac o smoking o in giacheta,

a ü certo punto del riceiment

di delegacc de töt ol mond - ch'ispeta

de l'erba de la pas ol grand'event

l'otrer s'è est don Scelba e 'l siur Paieta

- ol prim in «nero» e l'oter in «marù»

a tocà 'nsema i so bicer e biv

brindando per la pas mondial, töcc du:

quando a Montecitorio - oter a l' siv

che se i pödèss tiràs con d'ü canù

ghe resteress... gna ün aversare viv.

Versetti dialettali di Piero Terzi (Bergamo)

homepage