Quace process ch'indressa in pé i caèi!

Tortüre, tradimencc, massacri in massa

per odio de fradei contra fradei

sensa rispet gna a chei za det in cassa:

tep de bombe, de mitra e de cortei,

ol tep di esecüssiù per ogne piassa,

coi mùr isporc de sang e de servei:

e l'era 'l sang de la so stessa rassa!

E de sta scöla gh'è restat töcc quancc

i 'nsegnamencc: lesé, lesé i giornai:

spranghe de fer i dovra sti brigancc!

Pò i dis che i völ la pas, la pas «fraterna»!

A me l' me par - e m' là capida urmai

- che i völe dam la pas... ma chela «etema»!

Versetti dialettali di Piero Terzi (Bergamo)

homepage