Ol vecio Garibaldi in paradis

a l's'era lamentat con l'Alighier

che in tera i l'ìa 'mpiastrat sö certi avis,

de chel partit in mà di forester,

tal qual, con tat de barba e de barbis

e sensa domandà gna «per piasser».

Ma quando ol dé desdot de chel tal mis

la zet l'à dimostrat col so parer

che l'ìa capit l'ingann eletoral

e che la barba de l'Eroe d'Italia

a la scondia sota ol müs d'ü maressial,

ol Vecio töt contet l'à vardat zo

e: «L'era giöst - l'à decc - che sta bataglia

la "ndess a refeniss in Water ... lóo».

Versetti dialettali di Piero Terzi (Bergamo)

homepage