|
Dopo la processiù Al dott. comm. Alberto Ponsero |
 |
|
Nüda come 'l Signur a l'ìa creada e bela per finessa ed elegansa, a l'era là slongada zo 'n de strada con d'öna scortelada 'n de la pansa
e 'l có squarciat per öna mitragliada tracia da du o tri meter de distansa: denacc a la Madona i l'ìa copada in d'ü delirio d'odio e... d'ignoransa.
«A l' siv chi l'è? - l' disia 'l dutur Pedù del Tribünal - Ardéga ai pols: la gh'à i segn d'ü quart de secol de presù:
quando l'è 'gnida föra ü quatr'agn fa töcc i ghe müria dré per la passiù e i la cìamaa, me par, ... la Libertà»! |
|
|
Versetti dialettali di Piero Terzi (Bergamo) |
|
 |
 |