L'et vesta té la Nus? Mé l'ó sentida

l'otrer sota la Tór a predicà:

a m' paria de ved zo 'n piassa Pontida

sura 'l palco, la Egía de rasgà.

La stessa ghegna, ma piö bé 'mbotida

de ciccia stagna a forsa de mangià:

e l'è contraria adess che l'è 'mpienida

a chel ch'i manda 'n sà i Americà.

Ai quater bale de sta povra dona

i fa ü grignet i Bergamasc, ch'i scolta

come per dì: «Gna lé la me coiona».

E ü comünista a l'dis (ma sota us):

«Se a Berghem la turness ön'otra olta,

a m' crepa töcc d'indigestiù... de Nus».

Versetti dialettali di Piero Terzi (Bergamo)

homepage