|
Oselande de 'ncö |
 |
|
'N do éle chi oselande de pianüra e 'n doe chi rocolì de la montagna quando la eta l'era meno düra e 'l tep de cassa l'era öna cöcagna?
Iè scomparicc de sota a ön'aradüra töcc quancc i sigalér, per la campagna: e i ròcoi i met in mostra l'ossadüra come de zet che pians e la se lagna.
No' i gh'è che 'nde politica uramai i oseladur ch'i osela a sta manera: i tira prima ol sàmbel söi giornai,
e zo 'n di piasse i fa la primaera a ciamà i merli per pödì sborai: e pò i feness a Roma... a fa la fera. |
|
|
Versetti dialettali di Piero Terzi (Bergamo) |
|
 |
 |