«A l'è passat ol tep - a l' dis ol Pì -

de quando i zùene töte vergognuse

i faa l'amur, ma sensa dà ü basì,

e che a tocale i deentaa föriuse».

«E 'ncö - l' respond ol Paol - lassémel dì,

i scete a tredes agn iè za coriuse,

almanc in magioransa, de saì

come i farà chel dé... ch'i sarà spuse».

«A l'è gran bela, Paol, la eta 'ncö:

l'amur l'è ü sentiment che l'vé del cör,

e mei de chel, credém, a ghe n'è piö».

«Ma per me cönt, o Pì, che pöde mör

se crede ü tracc a chel che cüntì sö:

él sentiment se mé gh'ó i mà che spiör»?

Versetti dialettali di Piero Terzi (Bergamo)

homepage