Niv, vent e zél: ona sfregida fiòla

chel dé a Milà: ma pò in scompartiment

söl treno, zet che spuncia e tira e mola:

e mé a sbötà e a südà de fa spaènt.

Smonte: l'è nocc: coi pé 'n de palcia mola,

ciape ol senter: gh'è fosc e l'tira 'l vent:

quando che a ü tracc me sente a strens la gola:

(a l'm'è saltat adoss a tradiment)!

A boche come ü pèss... ol có l'me boi

e mè cula zo i grondane de södur...

pò in fì chi l'và de mèss... l'è 'l portafoi!

Difati a cà ó ciamat ü professur

che l'm'à palpat ol pols con l'oroloi:

trimela franc gh'ó dacc... per ü fregiur!

Versetti dialettali di Piero Terzi (Bergamo)

homepage