Al pittore Gian Battista Galizzi

«Caro Pitur,

et vest ché issé 'n Sità

la mostra del disegn del dé de 'ncö?

A l' vé de dì: «Madona... fémen piö»!

Sura sessento, öna trentina i va,

ma 'l rest, iè sgorbe d'ogne qualità:

gambe de fomne... e chel che gh'è piö 'n sö,

(l'è 'n do' l'íspirassiù de spèss i tö)

e ghegne ch'i fa pura o i fa pietà,

che l' par de passà in mèss a öna corsia

- perduna 'l paragù - del «Cotolengo»

de tat che ià storpiat l'anatomia!

Se incö s' ragiuna issé come s' disegna,

sto mond - bisogna dil - l'è tat balengo,

che l' pöl ricor a Daste... per l'insegna.

Ol to Piero».

Versetti dialettali di Piero Terzi (Bergamo)

homepage