A Angelo Astolfi

A l'era al me pais: ü brao dutur

inteligent, de cör e de piasser,

ma guai a contradil o fa l'erur

de rispondiga mal nel so mester.

Ü dé i la ciama al lecc del Pì fatur

famoso per forcheta e per bicer:

e lü 'la palpa là 'ndo l'gh'à 'l dulur,

pò l' dis: «Ma la to pansa lè ü siger:

cos'ét mangiat?». «Cassöla con polenta».

«Tanta»? «L'ó mia pizada». «Ah, porco 'l gèss!...

Olio ricìno: grammi centotrenta».

Dopo tri dé: «Dutur, me sente pèss»!

L'istà piö in pé: l'è schéss che l'ispaenta.

E lü 'l dutur: «A l'et pizada adess»?

Versetti dialettali di Piero Terzi (Bergamo)

homepage