A l'è caraterestec bé 'l nost Ria

come aocat, poeta e... cassadur:

s'pöl dì che là 'n do 'l völ rià ol Ria a l' ria,

se l’ parla o scriv, o l' manda... ü mass de fiur.

La eta l'è per lü öna poesia

e töt ol mond l'è facc per viv d'amur,

a se s'ghe less in vis la nostalgia

de la gran guera 'n do l's'è facc onur.

E in tribünal o quando l'va 'n galera

- in do' l'è stacc a lü sota i tedesc

per iga völit bé a la so bandiera -

a l' parla issé col cör ai presuner,

con d’ün amur tat dègn de San Fransesc,

de faga fina invidia... a don Röger.

Versetti dialettali di Piero Terzi (Bergamo)

homepage