Pelat, o col capel pondít de sbiès,

a se l'incontra in borgh o sö 'n Sità,

bass, intorsat, la barba coi rifless

d'arzent che la ghe dà l'aspet d'ü frà:

e se l' te parla la so us la crèss

coi moimencc del có, di brass, di mà;

e l' met in mostra i decc istagn e spèss,

che l' par, a ü tracc, che l’t’abe de sgagnà.

E chesto l'è ‘l Vajana, l'aocat

ol giornalesta - storec - romanzer,

con l'anima d’ü scèt del tep passat,

e che l' s'enteneress al sul penser

d'ü poaret che l' sa che l'è malat,

o d’ü cagnì, magare, de paér.

Versetti dialettali di Piero Terzi (Bergamo)

homepage