Al President del Circolo Cacciatori

Dott. Emilio Gavazzeni

A m’l’à copat ün auto al Betolì

ü bel brac bianc, con smagie de nissöla;

i oregíe longhe e fine de pödì

pensà ch'i föss de sida briansöla:

e i öcc d'ü scèt, ma che i te faa capi

la gran passíù d'ü cà de la so scöla,

quase che l'gh'èss ogne moment de edì

denacc a lü, di osei a fa la spöla.

Regorde chela sira: se turnaa

de cassa: a ü tracc... la machina... '1 segnal...

la gran frenada... e '1 Brill che l' rantolaa.

A l'mà ardat, e ó ést, nel salüdal,

rifless amò 'n chi öcc che i se smorsaa,

ü gul de pole, come 'n d'ü cristal.

Versetti dialettali di Piero Terzi (Bergamo)

homepage