Rùi l'è ü cagnì de rassa barbonsina

coi rissolì piö nigher del carbù

e l’ có l'è ü göminsel de lana fina

‘ndo i varda fò di fii du bei ögiù.

A l’è ü per d'agn che quase ogne matina,

quando che l'è piö bela la stagiù,

a m’ va söi Müre ‘nsem, sö la banchina,

e lé m’la cönta. sö tra noter du.

E lü l' capéss e l' me rispond a töt:

ma quando l’à sentit de chela tassa

de quatermela franch... l'è restat möt.

Certo l’ pensaa a töcc chei de la so rassa.,

amis di poarecc col borsì vöt,

che in dì canii ià massacracc in massa!

Versetti dialettali di Piero Terzi (Bergamo)

homepage