«Cara,

incö ol "bergamasc", l'è zo d"üsansa

a scriv d'amur, perchè l'è sensa grassia;

mentre che l'«italià» l'è töt fragransa...

(come ü decott de tamarindo e cassia).

Ma noter a m' ghe bada a la sostansa:

l'è mei se in dialet i me ringrassia,

piötost che in «lingua» piena d'elegansa

i gh'abe de 'nguram... öna disgrassia.

Pò l'era la parlada di noscc vecc

in di momencc piö brócc e 'n di piö bei

e in chei sentimentai... (quand’i era in lecc).

E che s' pöl god l'amur (e fan di pèi)

con chel piö dür de töcc i dialecc,

de té e de mé, tesor, chi l'la sa mei?

Ol to Piero».

Versetti dialettali di Piero Terzi (Bergamo)

homepage