A Franco Magni

Ol me maestro a scöla l' me disia:

«Brao Piero, te sé miga pò tat bambo"

a metì zo di vers in poesia,

ma té a ment che 'l poeta l'è issé strambo

che l' se pastüra sul de fantasia

e l' viv söl ritmo stess del ditirambo,

(che l'era la cansù che l' preferia

ol dio di cioc, col dattilo e col giambo).

Té stödia e tira drecc per la to strada,

e sta sentensa tègnela 'ndel có:

"Carmina non dant panem" bé stampada;

perchè l'ispirassiù la salta fò

sul quando gh'è la pansa consulada.

per poetare con... e sensa l'o».

Versetti dialettali di Piero Terzi (Bergamo)

homepage