Caro Fichera: bel, ol to proget

d'ön'ünica «grafia» che s' pöl otegn

per töcc i dialecc d'Italia, a met

ai «suoni» che iè stess, ol istess segn!

Mai piö ché poss parlan in d'ü sonet,

ma per me cönt conferme che l'è degn

d'ess istödiat, acassibé che s' ved

ì gran dificoltà del to disegn.

Presempe: a pond l'«acento circonfless»

al post de la «dieresi» a o e a u

Berghem a l' darà mai ol so permess:

Ma a tirà vià - come te dighet té -

töcc i «acenti» che i regna confüssiù,

ol prim, coi me sonecc, so prope mé.

Versetti dialettali di Piero Terzi (Bergamo)

homepage