A gh'è de chei ch'i s' met in evidensa

sura i liber con tat de prefassiù

per fa conoss a töcc - e i fa benù

ol so valur d'artista, o d'om de sciensa:

e gh'è de chei contrare a sta tendensa:

de chei ch'i stampa i liber in questiù,

sensa parlà de lur - e i gh'à resù

per vea d'ü certo scröpol de cosciensa.

Mé, invece, me permete sul, ché issé,

de div che i me sonecc no' i è che schers

in rima e de scüsam s'i ó facc coi... pé,

perché de chei piö brae a scriv di vèrs

in bergamasc, so ü car de ref indré,

a se töcc quancc i dis che sées... ol Ters.

Versetti dialettali di Piero Terzi (Bergamo)

homepage