PIETRO LAVRA.
S'istoria
de Gavoi colat dae che sos Tzillonarjos, chi si ziravana
tittu sa Sardinna po' bendere seddas, isprones, orbacce
et atteras "carrabatzìas", ispessie in sas 'estas
de sas atteras viddas.
Dae
su meda zirare in d'unu tempus cando fit meda
difficurtosu, sos Gavoesos hana balanzadu connoschensias:
de su mundu afforas de vidda, de sa zente devessa, de
atteras maneras de pessare et de si campare.
Su ven'istare de Gavoi oze
est'izzu de su sagrifitziu de cussos.
De
custa pelea vagabundera sos mannos galu si nd'ammentana,
sos de oze che nd'hana intesu canchi cosa. Mancari non
nde sìene tottu cuntentos, sos gavoesos suni 'izzos de
cussos chi non si suni frigonzados de tribballare
biazzande in biddas anzenas, tzillonande tzillonande.
Perdu Lavra nos nde contat
unu vessu alligru, 'a sa tristesa 'e cussa vida si la
suni ammentada in medas et po' medas annos.
