Faladu est unu lampu in Gennargentu
e un'abile colpeid'in su nidu,
a s'ala manca restei' colpidu
e sos fizzos tremain de ispaventu.
Issu rueit in cussu momentu
comente ruet unu chi ha finidu...
ma non fit pro niente impauridu
cą milli attaccos had'in vida tentu.
Coraggiu, Montanaru, amigu meu,
e mancari chi sicca sia' s'ala
alza sa testa, pesadinde a reu!
Cumbatti sempre cun sa sorte mala
e canta, finas chi ti lassa Deu,
tantu... sas Musas ti lean a pala.
Pietro Lavra
