Versioni liguri da Orazio

Da Bacigalupo a Gismondi, a Carlo Costa, Quinto Orazio Flacco è tra i poeti più tradotti in genovese. Probabilmente, la difficoltà del testo originale, unita a quel tono medio, mai veramente tragico, né mai veramente comico, che sembra prestarsi ad una versione "casalinga" e "domestica", hanno in vario modo sollecitato l'interesse e il gusto per la sfida di questi autori, vissuti tra Otto e Novecento.

Le versioni delle Odi condotte da Nicolò Bacigalupo possono ricordare i criteri già seguiti a suo tempo dai traduttori della Gerusalemme Liberata; Bacigalupo non traduce alla lettera il testo oraziano, e neppure ne fa una parodia, come invece con l'Eneide, ma lo adatta a quella che lui ritiene essere la mentalità genovese, più precisamente - aggiungeremmo noi - la mentalità di un genovese colto di fine Ottocento. Vediamo la sua interpretazione della famosa ode XXX del libro III (N.Bacigalupo, Odi ed Epodi, Zena, Donath, 1899)

A Melpomene

Ò eretto, comme ninte, un monumento
ciù perenne do bronzo e ciù elevòu
de piràmidi egiçie, che né o vento,
né un diluvio inscistente e açidentòu,

né un succédise d'anni indefinïo,
ò di sécoli a ràpida corrente,
no o pòssan avaiâ, né d'un asbrìo,
mandâ à fâ fotte inesorabilmente.

No moiò tutto arrëo, ma unna gran parte
da mæ personn-a a l'evitià Staggen,
cresciò de fama e continuiò à fâ carte,
fra i pòsteri di tempi i ciù lontæn.

Sempre e de longo, scinn-a che montià
o Pontéfice, insemme a-a silensiosa
vestale, in Campidòlio ad offiçiâ
dove scöre a corrente impetuosa

de l'Òfanto e lazzù dove à regnòu
in sce i grébani o Dauno, òua torrente
quæxi à secco, sâ dïto e celebròu
che mi, da-o ninte, diventòu potente,

son stæto o primmo à tiâ sciù a ciappa e à dâ
à l'Eòlia poexìa, forma latinn-a;
sta sciù co-a musa, ti te peu gonfiâ
de superbia, Melpòmene divinn-a,

pe quello che à compî ti ê stæta bonn-a!
E pòi méttime a Dèlfica coronn-a!

Unn'òpera ò compïo che ciù do bronzo
l'é destinâ à duâ, ciù de piràmidi
äta di Re, che no tempeste d'ægua,
no violento Aquilon peu rovinâ,
ò 'na serie infinïa d'anni, ò de tempi
fuga. Mi tutto no moiò, gran parte
de mi schivià Libitina; inta löde
di pòsteri cresciò fin che o Pontéfice
co-e silensiose vèrgini o montià
a-o Campidòlio. E se dià che mi,
d'un pöveo paise, là dovve con fòrsa
l'Ofanto o fa rumô, là dovve Dauno
o l'à regnòu in scê gente, in scê campagne
pövee d'ægua, diventòu famoso,
ò traduto pe primmo in metro itàlico
o carme eòlio. Séggine orgoliosa,
Melpòmene, à raxon, e con piaxei
òrna de lélloa dèlfica a mæ fronte.

La versione di Costa risulta più aderente all'originale di quella di Bacigalupo, meno satura di italianismi e cultismi, ma nello stesso tempo rinuncia alle espressioni più sapide ed idiomatiche;

...
Chi sempre pin de neuve coæ o se spàxima,
o l'à tanto piaxei da-i sò dinæ
comme un òrbo o peu avei da un quaddro célebre,
ò un sordo da-e cansoin ciù delicæ.
Impi de vin 'na damixann-a sùcida,
o piggià o ponto e o te diventià axòu:
coscì o piaxei mïa ch'o te costa o doppio
se tribollando ti l'aviæ accattòu.
O l'è un coggion chi no sa mette un lìmite
a-i dexideri e a-e sempre neuve coæ;
l'invidioso o se röde a-o ben do pròscimo
ch'a l'é a ciù gramma de infeliçitæ.
Chi no sa frenâ a fotta, o dovià in séguito
bàttise o pëto con un gran magon
pe avei çedùo sensa riflette à l'ìmpeto
da giöxìa, da vendetta, ò do ghignon.
A raggia a dà unna specie de mattëia:
sàccila trattegnî con mòrscio e brille,
comàndighe, e pe fâla obbedî lìghila
con de cadenn-e, e attento ch'a no fille!
(O primmo libbro de Epìstole tradute da Pippo Manezzi- Zena, 1949)
...