Quand ch'ui riva la fé n d'al mond, Pipeta un mor neint ma dop an poch us romp al bale 'ncudi ch'u i'è pi né da giuà "la mura ".
Anlur u ciapa si e al va 'tambisà a la porta d'u linfern.
Quand che u diau ul vigh ui taca 'n asideint e u sara l'is asgagià'.
Pipeta 'l va 'tambisà 'nt al purgatore ma ij dizo che 'd post uj n'è pi neint.
U riva 'dvá la porta d'al Paradis ma ij dizo ch'us preseinta pi né chisá da quand.
Al va turna 'dvá 'la porta d'u linfern, u tambisa e au diau ch'l'è da dré l'is uj fa:
" Ai ho vuaia 'd giua' a " la mura " e u i'è manch pi in anma 'n gir.
Foma in pat, a foma 'na partìa e s' t veinse ti a ven au le infern, s'a veins mi t am dai in anma ch'u i'è 'ndreint "
U diau us lasa riaze e i cminso.
Pipeta al veins la prima e uj sort su mare, al veins la sionda e uj sort su pare e na má dop a l'autra i sorto tic.
