La mi murosa

L'è la Marì la mi  murosa ad me

ch' l'ha j ha i cervell cumpagna è ram sfurbì

ch' l'ha d'j occ chi rid prema ch' l'ha rida lì

e è fugh 't agli oss cme un birichèn da stre.

Quand che e' temp l'è cativ, int i brot dè

nenca lì l'ha i mument 'd malincunì

mo j è nuval che è vent u s' mend vì

e dop e' sol l'è nech piò bel da vdè.

Al rundanen ch'a m' desta a la matena

e' pe  ch'a m' vegna a dì << Marì Marì >>

e me a pens che una 'd queli la sia lì;

e u j è dal not ch' a insogn sta rundanena

ch' l'ha vola int e' turchèn cun j occ chi rid,

ch' l'ha ha int è bech la paia par e' nid.          

Aldo Spallicci